Zbulime të papritura shfaqen si pasojë e thatësirës së shkaktuar nga ndryshimet klimatike!
![](https://www.vovmagazine.al/wp-content/uploads/2022/02/56-2-150x150.png)
![Zbulime të papritura shfaqen si pasojë e thatësirës së shkaktuar nga ndryshimet klimatike!](https://www.vovmagazine.al/wp-content/uploads/2024/07//zbulime-te-papritura-shfaqen-si-pasoje-e-thatesires-se-shkaktuar-nga-ndryshimet-klimatike.jpeg)
Zbulime të papritura u shfaqën kur thatësira e shkaktuar nga ndryshimet klimatike thau një rezervuar të Katalonjës. Ngritur nga një hapësirë dheu e thatë, e plasaritur, mbetjet e disa ndërtesave prej guri u shfaqën nga hiçi. Gjithçka u ndërtua në vitin 1771, në atë që dikur ishte lagjja Sant Sebastià e qytetit të Sant Llorenç de la Muga. Ajo ka qenë e fshehur nën ujë që nga viti 1969 kur përfundoi ndërtimi i digës Darnius Boadella dhe përmbyti zonën.
Megjithatë, duke filluar nga viti 2021, një thatësirë e madhe bëri që Katalonja të shpallte gjendjen e jashtëzakonshme. Niveli i ujit të rezervuarit arriti në pikën më të ulët ndonjëherë, duke i bërë këto rrënoja të arritshme për këdo që dëshiron t’i vizitojë. Sipas Marià Baig, një historiane vendase, një nga ndërtesat ishte furra e parë me qymyr në Katalonjë e përdorur për të bërë topa. Vendi u zgjodh për shkak të afërsisë me tri elemente të nevojshme: dru, ujë dhe hekur nga minierat e afërta, Montdavà dhe Rocacorba. Aty prodhoheshin municione deri rreth vitit 1794, kur kapacitetet prodhuese u shkatërruan nga ushtria franceze gjatë Luftës së Pirenejve dhe nuk u rindërtua kurrë.
Edhe pse vendasit ishin të vetëdijshëm se ndërtesat ishin të fshehura në fund të rezervuarit, zbulimi i tyre u mirëprit me shumë emocion. Në disa blloqe gjigante guri më afër vendit ku dikur kalonte një lumë, u zbuluan gjithashtu rrënojat e një kishëze të vogël guri të ngritur në vitin 1609.
Ndryshimi i klimës nuk është përgjegjës vetëm për rritjen e nivelit të detit dhe motin ekstrem. Këtë kanë pohuar ekspertët e klimës. Një studimi i ri thotë se ndryshimi i klimës mund të ndikojë edhe në matjen e kohës globale. Matja e saktë e kohës sot bëhet me përdorimin e rreth 400 orëve atomike në mbarë botën.
E ashtuquajtura Koha Universale e Koordinuar, ose UTC, është një llogaritje komplekse ((@TheBIPM/YouTube)) e bërë nga Byroja Ndërkombëtare e Peshave dhe Masave dhe bëhet në përputhje me shpejtësinë e rrotullimit të tokës, që ka një prirje të ndryshojë.