Gjiganti Apple ka njoftuar se aplikacioni ”Apple Maps” tani është në dispozicion në web. Me këtë lëvizje, ju mund të hyni në faqen beta.maps.apple.com për të kërkuar vendndodhje dhe për të planifikuar itineraret e udhëtimit. Deri më sot, shërbimi ishte i disponueshëm vetëm si aplikacion në pajisjet Apple.

Kjo nisje komerciale e vendos ”Apple Maps” në konkurrencë të drejtpërdrejtë me Google Maps, e cila ka qenë prej kohësh e disponueshme përmes internetit. E vetmja gjuhë e mbështetur është anglishtja, megjithëse Apple shpjegon se synon ta zgjerojë përkthimin edhe në gjuhë të tjera.

Apple planifikon të sjellë veçori shtesë sapo platforma të dalë nga versioni paraprak, si pamjet panoramike 360 gradë “Look Around”, të cilat e kanë bërë të famshëm versionin celular. Apple thekson se zhvilluesit mund të krijojnë lidhje me Maps në web, duke i lejuar përdoruesit e tyre të ndërveprojnë me udhëzimet dhe të shikojnë informacione të detajuara rreth vendeve.

Prezantimi i versionit web të ”Apple Maps” vjen 12 vjet pasi gjiganti amerikan debutoi shërbimin në iPhone. Sipas të dhënave nga analistë të Business of Apps, ”Google Maps” aktualisht mban kryesimin në tregun e aplikacioneve të navigimit përpara Moovit dhe ”Apple Maps”. Ndërkaq, keni lëvizur diku jashtë vendit dhe interneti juaj nuk po funksionon? Në këto situata, mund të shkarkoni Google Maps për përdorim jashtë linje dhe të merrni udhëzimet e duhura.

Për të qenë të drejtë, nuk do të merrni të dhëna të sakta kur bëhet fjalë për shëtitje në këmbë, tranzit ose udhëtime me biçikletë, por do të merrni udhëzime jashtë linje. Duhet të keni parasysh gjithashtu se hartat që shkarkoni do të skadojnë në një moment, pasi Google i përditëson rregullisht ato për të qenë sa më të sakta.

Hapni aplikacionin Google Maps në pajisjen tuaj Android ose iPhone. Duhet të identifikohesh në llogarinë tënde të Google dhe të kesh të instaluar versionin më të fundit të aplikacionit. Zgjidhni hartën e qytetit ose rajonit që dëshironi të shkarkoni. Shtypni menunë në fund të ekranit me emrin e faqes që po kërkoni dhe shtypni butonin Shkarko. Nëse nuk e shihni këtë opsion, prekni tre pikat në këndin e sipërm djathtas të ekranit dhe kërkoni opsionin e shkarkimit jashtë linje.