Josh Hartnett ka treguar se e ka braktisur Hollywoodin për të shmangur vëmendjen e tepruar pas suksesit të madh që pati me filmin “The Virgin Suicides” në vitin 1999. Aktori tha se fama dhe përndjekjet ishin të pashëndetshme, duke përfshirë një incident ku një personi me pistoletë pretendoi të ishte babai i tij.

“Kishte incidente. Me vinin në shtëpi njerëz që më përndiqnin. Një herë erdhi njëri me pistoletë duke pretenduar se ishte babai im. Ai përfundoi në burg. Kishte shumë gjëra. Ishte kohë e çuditshme dhe nuk doja të ishte pjesë e një jete të tillë”-ka shpjeguar aktori. Pas disa filmave të njohur si “Pearl Harbor” dhe “Black Hawk Down”, Hartnett u tërhoq dhe tani jeton në Britani, duke udhëtuar shpesh në SHBA.

Ai është martuar në mënyrë sekrete me aktoren Tamsin Egerton dhe ka katër fëmijë, duke u fokusuar në jetën e tij familjare. “Gjithçka është e re për mua. Koha kalon shumë shpejt, me katër fëmijë, ke shumë gjëra për të bërë. Nuk po ndodhin gjëra të rëndomta, por të rëndësishme. Vajza ime e madhe është tetë vjeçe e gjysmë, po mundohem të rri sa më shumë me të dhe familjen”-ka thënë tutje ai.