Michael Schumacher ishte edhe një nga sportistët më të pasur në botë. Pasuria e tij në vitin 2012, në sezonin e tij të fundit, e kaloi vlerën e 1 miliard dollarëve. Megjithatë, jeta përrallore e Michael dhe familjes së tij do të ndryshonte rrënjësisht në fund të vitit 2013. Michael u përfshi në një aksident me ski në resortin dimëror të Mirabelit, i cili i shkaktoi dëmtime të rënda në tru.

Pas trajtimit në spital, Michael u dërgua në shtëpi, në një dhomë të projektuar posaçërisht ku monitorohet 24 orë në ditë nga një ekip i specializuar mjekësh dhe infermierësh. Familja e Schumacher, me gruan e tij, Corina tani në krye, kanë bërë gjithçka për t’i ofruar atij kujdesin më të mirë të mundshëm, por edhe për ta mbrojtur atë nga sytë kureshtarë.

Dihet pak për shëndetin e Michael. Dimë vetëm se ndodhet në Zvicër. Megjithatë, të gjitha më sipër i kushtuan shtrenjtë familjes Schumacher. Sipas gazetës italiane La Repubblica, familja Schumacher paguan rreth 7 milionë dollarë në vit për kujdesin e Michael. Familja e gjermanit ka shitur së fundmi avionin e tij privat, një kullë në Norvegji dhe pjesë të rëndësishme të koleksionit të orëve të tij.

Ndonëse kanë kaluar 10 vite nga aksidenti tragjik i Michael Shumacherit teksa bënte ski në alpe, gjendja shëndetësore e ish-pilotit vijon të jetë një temë shumë e diskutuar në botën e Formulës 1 dhe jo vetëm. Thuajse të gjithë ata që kanë pasur raporte dhe kanë qenë të afërt me gjermanin janë pyetur për gjendjen shëndetësore aktuale të legjendës së Formulës 1.

Disa prej tyre kanë dhënë më tepër informacion, disa më pak, të tjerë spekulojnë me më shumë informacion, të tjerë flasim më pak. Së fundmi për shtatë herë kampionin e botës ka folur Niki Frai, i cili ka punuar me Shchumacherin te Mercedesi gjatë viteve 2010-2012, periudhë kur Michaeli vendosi të rikthehej në pistë pas tërheqjes së parë. Drejtuesi anglez ka pasur një rol thelbësor së bashku me Ros Braunin për atë rikthim. Pa u futur shumë në detaje, britaniku ka dhënë mendimin se si po shkon rikuperimin i ish-pilotit, në një prononcim të dhënë për “Online Betting Guide”.