Warren Buffett nuk ka investuar kurrë në asnjë aksion teknologjik derisa bleu 10 milionë aksione të Apple në vitin 2016. Deri në fund të vitit të kaluar, kompania e Buffett, Berkshire Hathaway, zotëronte 905 milionë aksione në Apple që vlerësoheshin me 173.8 miliardë dollarë. Ai reduktoi aksionet në fillim të këtij viti në 789 milionë.

Ndërsa së fundmi ai ka shitur edhe një pjesë të madhe të aksioneve, duke i ulur ato në 400 milionë me vlerë rreth 88 miliardë dollarë. Pra, investitori afatgjatë tani zotëron 2.3% të gjigantit të teknologjisë. Ajo që i ra në sy Buffet tek Apple ishte iPhone.

Ai shpjegoi disa vite më parë se ndërsa ishte Steve Jobs ai që shpiku pajisjen, ai i jep kredi Tim Cook për menaxhimin e atij produkti dhe kthimin e kompanisë në një nga kompanitë më të vlefshme në botë. Ishte vetëm viti i kaluar kur Buffett tha se nëse një përdoruesi iPhone do t’i ofroheshin 10,000 dollarë për telefonin e tij, por duhet të premtonte se nuk do të përdorte më një iPhone, ai nuk do ta pranonte marrëveshjen. Kjo besnikëri e ndihmoi atë të vendoste të investonte në Apple.

Së fundmi është shitur për 20.740 dollarë autografi i Warren Buffett në një fletë të paprerë me kartëmonedha amerikane. Ankandi u mbajt nga Goldin, një treg i koleksioneve, me ofertën fituese që erdhi në 17,000 dollarë plus çmimin e blerësit prej 3,740 dollarë. Fleta e paprerë e kartëmonedhave të dollarit përfshin tetë kartëmonedha dollarësh të Serisë 1995, me një shkronjë “K” që tregon se kartëmonedhat e dollarit kanë origjinën nga Banka e Rezervës Federale të Dallasit.

Kjo nuk është hera e parë që nënshkrimi i Warren Buffett në monedhën amerikane hyn në bllokun e ankandit. Në vitin 2015, një kartëmonedhë 100 dollarëshe e nënshkruar nga Buffett u shit për 1,477 dollarë. Popullariteti i Buffett nuk ka qenë kurrë më i lartë. Investitori 93-vjeçar është personi i 10-të më i pasur në botë me një pasuri prej 133 miliardë dollarësh.