Presidenti serb Aleksandar Vuçiç tha sot gjatë hapjes së stacionit hekurudhor Vrbas Novi se gjendja në Kosovë është e rëndë.

“Situata është e vështirë, por ne do të luftojmë. Ne nuk do të dorëzohemi”, ka theksuar Vuçiç.

Ai ka shtuar se është i shqetësuar sepse komuniteti ndërkombëtar hesht ndaj “provokimeve” të Prishtinës.

Vuçiç tha gjithashtu se qëllimi i protestave kundër minierave të litiumit të mbajtura në të gjithë Serbinë është rrëzimi i tij dhe jo shqetësimi për shëndetin e njerëzve.

 “Është formuar një ekip mjekësh që do të vlerësojë ndikimin e minierave në shëndetin e njerëzve. Ka edhe akademikë”, ka theksuar ai.