Më në fund vera duket sikur ka nisur me të vërtetë.

Njerëzit po i gëzohen më shumë plazhit dhe ditëve të nxehta, një gëzim që gjithësesi shoqërohet me rrezikun e djegies nga dielli.

Të gjithë e kemi provuar atë ndjesinë e përcëllimit të lëkurës dhe dhimbjen e saj edhe qoftë nga një prekje e lehtë.

Nevoja për një zgjidhje urgjente është e madhe, sidomos për faktin se në shumë raste djegia nga dielli mund të jetë aq e parehatshme sa të ndikojë në aktivitetin tuaj ditor ose në gjumin e natës.

Në Shqipëri, këshilla e amvisave është gjithmonë kosi, ndjesinë e freskisë të të cilit e kemi provuar të gjithë mbi shpinë. Kosi ama nuk është i vetmi.

Si të shëroni të djegurën nga dielli në dy hapa

Si fillim duhet të lagni një napë me ujë të ftohtë dhe më pas ta spërkasni atë me uthull molle.

Më pas napën e lagur vendoseni mbi lëkurë duke e fërkuar atë lehtë dhe butë.

Falë uthullës së mollës do të përjetoni një lehtësim të menjëhershëm që në prekjen e parë.

Më pas lëkura do të thahet.

Pas tharjes së lëkurës, mund të përdorni vajin e arrës së kokosit duke e përzier me vaj esencial nenexhiku apo lavande.

Këto tre përbërës janë thjesht fantastikë për lëkurën.

Lavanda e ushqen lëkurën ndërsa nenexhiku e qetëson dhe freskon atë.

Vaji i arrës së kokosit shkon thellë brenda lëkurës dhe jo vetëm e ushqen por e zbut dhe rimëkëmb atë.

Të nesërmen lëkura juaj do të ndihet dhe do të duket më mirë.

Vajin e arrës së kokosit mund ta përdorni edhe gjatë ditëve të tjera sepse do të përshpejtojë shërimin e lëkurës nga të djegurat.

Nëse të djegurat shoqërohen me ethe, AbgroWeb.org ju rekomandon që të konsultoheni me mjekun përkatës që të merrni një medikament kundër inflamacionit./AgroWeb.org