Pas gati 7 ditësh në paraburgim, reperi i njohur Noizy është liruar ditën e sotme me garanci pasurore prej 5 milionë lekësh të reja.

Lirimi i tij ka sjellë gëzim dhe emocion te miqtë dhe familjarët, të cilët e pritën me përqafime të ngrohta.

Ndërkohë që Noizy po feston lirimin e tij, bashkë me të ishte ndaluar edhe 32-vjeçari Bahtjar Bajraktarai, i njohur si Dj Crax. Megjithatë, ndryshe nga Noizy, Crax ende ndodhet në paraburgim, pasi është shtetas i Kosovës dhe vendimi për të pritet nga Gjykata Themelore e Pejës, e cila ende nuk ka marrë një vendim përfundimtar.

Noizy dhe Dj Crax u arrestuan pas një sherri brutal në Pejë, ku u dhunua TikTok-eri Medi Iseni. Reperi u lirua sot, ndërsa autoritetet janë ende në kërkim të personave të tjerë të përfshirë, përfshirë edhe reperin Stresi, i cili po kërkohet nga autoritetet.

Pamjet e para pas lirimit të Noizyt tregojnë momentet e gëzimit dhe përqafimet me miqtë dhe familjarët, duke shënuar një moment çlirimi pas disa ditëve tensioni.

Ndërsa Noizy i është rikthyer përditshmërisë së tij, situata mbetet ende e paqartë për Crax dhe të tjerët e përfshirë në incidentin në Pejë.