Në kuadër të megaoperacionit policor “Territor i pastër” në Shkodër, janë asgjësuar 1790 bimë dhe 86 fidanë kanabisi. Ky operacion ka për synim parandalimin, identifikimin dhe goditjen e veprimtarive kriminale të kultivimit të bimëve narkotike.

Njoftimi i Policisë:

Shkodër/Megaoperacioni policor anticannabis “Territor i pastër”, asgjësohen 1790 bimë dhe 86 fidanë kanabisi.

Në kuadër të këtij operacioni, shërbimet e Drejtorisë Vendore të Policisë Shkodër dhe komisariatet përkatëse kanë kryer kontrolle intensive në të gjithë territorin e qarkut. Gjatë fazës së fundit të megaoperacionit janë arritur rezultatet e mëposhtme:

Komisariati i Policisë Shkodër:

Në zonat e njësive administrative Pult, Shalë, dhe Postribë, u gjetën dhe u asgjësuan 736 bimë kanabisi.

Komisariati i Policisë Malësi e Madhe:

Në njësinë administrative Shkrel, u gjetën dhe u asgjësuan 867 bimë dhe 86 fidanë kanabisi.

Komisariati i Policisë Pukë:

Në njësinë administrative Qelzë, u gjetën dhe u asgjësuan 62 bimë kanabisi.

Stacioni i Policisë Fushë Arrëz:

Në njësinë administrative Iballë, u gjetën dhe u asgjësuan 125 bimë kanabisi.
Policia vijon punën për identifikimin, arrestimin dhe nxjerrjen përpara drejtësisë të personave përgjegjës për kultivimin e këtyre bimëve dhe fidanëve narkotikë. Kontrollet në terren vazhdojnë.