Këngëtari Joe Jonas është duke punuar aktualisht në albumin e tij të ri, “Music for People Who Believe in Love”, por ka vendosur të mos përfshijë këngë që lidhen me martesën e tij të mëparshme me aktoren Sophie Turner.

Në një intervistë, Jonas shpjegoi se krijimi i albumit ka qenë një lloj procesi terapeutik për të. “Kam kaluar përmes një procesi ndonjëherë të frikshëm, por edhe çlirues,” tha ai, duke shtuar se nuk dëshiron të sulmojë askënd me muzikën e tij.

Nuk po kërkoj që gjërat të bëhen dramatike. Jam i kënaqur me atë që kam në jetën time dhe mirënjohës për gjithçka, përfshirë dy vajzat e mia të bukura

Joe Jonas ka dy fëmijë me ish-bashkëshorten e tij, Sophie Turner: Willa, 4 vjeçare dhe Delphine, 2 vjeçare. Ai theksoi se albumi i tij i ardhshëm, që pritet të publikohet më 18 tetor, do të jetë një vepër shumë personale dhe do të pasqyrojë gjendjen e tij aktuale dhe udhëtimin drejt saj.

Jonas gjithashtu theksoi se ndjeu një nevojë të fortë emocionale për të punuar në muzikë gjatë periudhës së fundit dhe se nuk kishte një drejtim të qartë për ku do ta çonte këtë projekt. Ai bëri kërkesë për divorc nga Sophie Turner në shtator 2023, pas katër vitesh martesë.