Ndalimi i fundit nga Brazili i platformës X të mediave sociale të Elon Musk ka rritur profilin e rivalit të tij më të vogël, Bluesky. Sipas mediave të huaja, Bluesky ka parë kulmin e të gjitha kohërave. Platforma ka thënë në një postim se kishte tërhequr dy milionë përdorues të rinj në një hark kohor prej një jave dhe aplikacioni dukej se po përjetonte disa probleme me disa përdorues që raportuan një ndërprerje.

“Pothuajse me siguri do të ketë disa ndërprerje dhe probleme të performancës”-tha zhvilluesi i Bluesky, Paul Frazee në një postim, duke shtuar: “Nuk kemi parë kurrë trafik si ky. Rri me ne!”. Të shtunën, kompania tha gjithashtu se përdoruesit nga Brazili po vendosnin nivelet më të larta të të gjitha kohërave për aktivitetin. Rritja e raportuar në trafikun e platformës vjen pasi një gjykatës i Gjykatës së Lartë braziliane urdhëroi një pezullim mbarëkombëtar të platformës X të premten.

Një panel i Gjykatës së Lartë konfirmoi vendimin të hënën. Ish-Twitter vlerësohet të ketë mbi 22 milionë përdorues në Brazil. Platforma e mediave sociale X ka bërë një ndryshim në programin e saj të Inteligjencës Artificiale, pasi zyrtarët më të lartë zgjedhorë të pesë shteteve, paralajmëruan se përmes tij po përhapeshin dezinformata zgjedhore.

Rikujtojmë, se sekretarët e Shtetit të Miçiganit, Minesotës, Nju Meksikos, Pensilvanisë dhe Uashingtonit, i dërguan një letër këtë muaj pronarit të rrjetit X Elon Musk, duke shprehur shqetësimin se Grok, instrumenti i Inteligjencës Artificiale, kishte prodhuar informacione të rreme rreth afateve të votimit në shtete, pasi Presidenti Joe Biden u tërhoq nga gara presidenciale. Zyrtarët kërkuan që chatbot-i Grok t’i drejtojë përdoruesit që bëjnë pyetje mbi zgjedhjet tek “CanIVote.org”, një faqe interneti me informacione votimi e Shoqatës Kombëtare të Sekretarëve të Shtetit.

Përpara se të japë përgjigje ndaj pyetjeve mbi zgjedhjet, Grok tha: “Për informacion të saktë dhe të përditësuar në lidhje me zgjedhjet e vitit 2024 në SHBA, ju lutemi vizitoni Vote.gov”. “Të dyja faqet e internetit janë burime të besueshme që mund të lidhin votuesit me zyrtarët e zgjedhjeve lokale”-thanë pesë sekretarët e shtetit në një deklaratë të përbashkët.