Këngëtarja kolumbiane, Shakira, u akuzua vitin e kaluar se nuk pagoi 14.5 milionë euro tatim mbi të ardhurat spanjolle midis 2012 dhe 2014. Artistja së fundmi publikoi një letër ku akuzonte sistemin spanjoll të drejtësisë. Shakira pretendon se ishte “persekutuar” përpara se të vendosej dhe të pranonte fajësinë dhe tani ka akuzuar sistemin spanjoll të drejtësisë për një “fushatë shpifjeje”.

Në një letër të botuar në El Mundo të Spanjës, këngëtarja akuzoi autoritetet tatimore spanjolle për një fushatë frikësimi që përfundoi me portretizimin e saj si një “trofe gjuetie”. “Mund të duket e pakuptueshme, por për mua dekada spanjolle ishte një dekadë e humbur financiarisht dhe jo sepse punova pak, siç e dinë të gjithë. Kam pasur 120 koncerte në 90 qytete të ndryshme. Si mund të humbasë paratë një njeri që ka 120 koncerte? Tingëllon e çuditshme, e di, por sot pasuria ime përbëhet nga ajo që kam fituar para se të mbërrija në Spanjë dhe ajo që fitova kur u largova. Gjithçka që fitova në këto vite shkoi në Spanjë”-tha ajo.

Shakira më parë tha se u deklarua fajtore për të “mbrojtur fëmijët e saj” dhe tani shtoi: “Më shumë sesa të duan të ndëshkojnë ata që nuk ndjekin rregullat, autoritetet tatimore spanjolle duan të tregojnë trofetë e tyre të gjuetisë për të rindërtuar besueshmërinë”. Dhe si e arrijnë këtë? Duke i frikësuar njerëzit, duke i kërcënuar me burg, duke kompromentuar mendjet e fëmijëve tanë dhe duke na vënë nën presion për të na thyer. Ata donin që publiku të besonte se unë nuk kam paguar taksa, kur e vërteta është se kam paguar shumë më tepër se ç’duhet”.

Ylli i muzikës pop ka ritheksuar se nuk është e përqendruar në lidhje romantike për momentin pas thashethemeve për lidhje të ndryshme që kanë qarkulluar për të këtë vit, duke përfshirë Tom Cruise dhe Lewis Hamilton. “Unë nuk po mendoj për këtë”-i tha Rolling Stone këngëtarja 47 vjeçare për kopertinën e saj korrik-gusht 2024. Ajo më pas pyeti: “Çfarë hapësire kam për një burrë tani?” Por, Shakira është e hapur për takime në të ardhmen. “Çfarë mund t’ju them, më pëlqejnë burrat. Ky është problemi. Nuk duhet t’i pëlqej ata me gjithçka që më ka ndodhur, por më pëlqejnë akoma.”