Kujdesi për fytyrën tuaj është thelbësore, por ndonjëherë mund të bëheni të fiksuar. Megjithatë, rezulton që kujdesi i tepërt nuk është i mirë dhe disa nga rutinat dhe zakonet tona ditore të bukurisë dëmtojnë poret tona më shumë sesa një faktor i jashtëm. Nëse e detyroni një puçërr të shtypet ndërkohë që nuk është ende gati, ju lejoni që bakteret të futen në shtresat e brendshme të lëkurës tuaj. Kjo mund ta bëjë situatën edhe më të keqe pasi acarimi do të përhapet, duke rezultuar në pore.

Shumë skrab ndihmon për të hequr papastërtinë, qelizat e vdekura të lëkurës dhe vajrat e tepërt që mund të bllokojnë poret tuaja. Ky veprim i thjeshtë është freskues dhe mund të bëjë që poret tuaja të duken më të vogla. Megjithëse, ju duhet vetëm ta bëni 1-2 herë në javë. Nëse e teproni mund të çojë në lëkurë të thatë dhe pore të hapura.

Lëkura e thatë çon në rrudha dhe ju bën të dukeni më të vjetër. Gjithashtu, lëkura e thatë bën që poret të rrafshohen dhe të duken më të mëdha. Pra, jo vetëm që është e dëmshme për poret tuaja, por gjithashtu ju bën të dukeni më të vjetër. Ka disa produkte jashtëzakonisht të njohura që përdoren në lëkurë, por nuk duhet të përdoren në fytyrën tuaj. Gjalpi i kakaos, vaji i kokosit dhe kremi i lanolinës kanë veti të bllokimit të poreve. Mund të jenë të mira për ta mbajtur lëkurën tuaj të lagur, por ato gjithashtu mund të shkaktojnë njolla dhe të mbajnë papastërtitë brenda poreve.

Ndërkaq, shumë njerëz po përdorin hudhër për të trajtuar aknet. Së fundmi tre ekspertë, Ketaki Bhate, dermatologe konsulente në Self London; Shereene Idriss, dermatologe e certifikuar dhe Emily English, nutricioniste dhe themeluese e Epetōme kanë folur për Vogue. Për të tre ekspertet vendosja e hudhrës në lëkurë nuk është një ide e mirë. Dr.Bhate shpjegon se kjo mund të shkaktojë irritim apo edhe djegie kimike, që mund të lënë shenja pas inflamacioneve.

Dr. Idriss thotë se aplikimi i hudhrës drejtpërdrejt në lëkurë nuk mund të shërojë aknet. Ajo shton se “shumica e videove online ku njerëzit përdorin hudhër për të ‘shëruar’ aknet e tyre tregojnë individë me akne hormonale, që më shpesh kërkojnë medikamente me recetë.” Është shumë e rëndësishme të trajtohet shkaku themelor për të minimizuar efektet anësore të padëshiruara, siç janë shenjat afatgjata.