Vranësira dhe shira më intensivë në mbrëmje/Zbuloni çfarë moti na pret!

AKTUALITET

Vranësira dhe shira më intensivë në mbrëmje/Zbuloni çfarë moti na pret!

vovalbania September 17, 2024 0 koment 1 Mund të lexoni në minuta.

Vranësira dhe shira më intensivë në mbrëmje/Zbuloni çfarë moti na pret!

Shërbimi Meteorologjik Ushtarak bëri të ditur se ditën e sotme vendi ynë do të vijojë të jetë nën ndikimin e kushteve atmosferike të paqëndrueshme. Kjo si rezultat i ndikimit që jep periferia e një qendre me presion të ulët e pozicionuar mbi Gadishullin Apenin prej disa ditësh tashmë. Po ashtu dhe kontrastet termike të masave ajrore të lagështa me origjinë jugperëndimore e verilindore.

Moti parashikohet të jetë me alternime vranësirash e intervale të herëpas’herëshme kthjellimesh. Reshjet e shiut priten të vazhdueshme e me intensitet të ulët, si dhe me shtrëngata të izoluara lokale, fillimisht në jug të vendit.

Në orët e para të mëngjesit, reshjet do të shpërndahen edhe në pjesën qendrore, me intensitet të ulët e do të vijojnë të jenë në formën e shtrëngatave të herëpas’herëshme e afatshkurtra gjatë gjithë ditës, por kryesisht të përqëndruara në relievet malore të vendit. Gjatë orëve të mbrëmjes, reshjet rrisin intensitetin, kryesisht në jug.

Mjegullinë dhe shikim i reduktuar në orët e para të mëngjesit, si dhe në momentin e reshjeve. Era fryn me drejtim verilindje-juglindje e me shpejtësi mesatare 2-8 m/sek ndërsa përgjatë vijës bregdetare, male e lugina, era fiton shpejtësi 8-15 m/sek, shoqëruar me valëzimin në dete të forcës 2-3 ballë.