Balerini Kledi Kadiu ka ndarë një postim emocionues në ‘story’ në Instagram për ndarjen nga jeta të regjisorit të njohur Beppe Menegatti. Ai shprehu ndjenja të thella për marrëdhënien e veçantë që kishte me regjisorin, duke publikuar një foto të tyre së bashku, në të cilën shkruante:

Mirupafshim Maestro Beppe. E di që do jesh i lumtur krah Carlës.

Beppe Menegatti, një figurë e njohur në botën e teatrit dhe baletit, vdiq dje në Romë pas disa ditësh të shtruar në spital. Ai lindi në Firence më 6 shtator 1929 dhe gjatë karrierës së tij të gjatë drejtoi vepra teatrale dhe balete, duke kontribuar në shumë shfaqje botërore të kërcimit.

Menegatti ishte gjithashtu bashkëshort i legjendës së baletit Carla Fracci, dhe vdekja e tij ka lënë një boshllëk të thellë në komunitetin artistik. Postimi i Kadiut reflekton jo vetëm humbjen e një maestroje, por edhe ndjenjat e respektit dhe mirënjohjes për ndikimin e Menegatti-t në artin e kërcimit.