Situata mes ish-partnerëve Fero dhe Arbenita Ismajli ka marrë një tjetër kthesë, teksa përplasjet ligjore mbi kujdestarinë e vajzës së tyre vazhdojnë.

Avokatja e Arbenitës, Blinera Osmani, ka deklaruar se nuk është e vërtetë që klientes së saj i është marrë kujdestaria e vajzës dhe se vendimi për mbrojtje emergjente nga ana e Feronit Shabanit është kundërshtuar, pa një vendim të prerë deri më tani.

Në përgjigje të kësaj, Fero ka publikuar në rrjetet sociale një pjesë të vendimit të Gjykatës, e cila duket se hedh poshtë deklaratën e avokates.

Në këtë vendim thuhet se çdo palë e pakënaqur ka të drejtën e kundërshtimit, por njëkohësisht theksohet që kundërshtimi nuk ndalon ekzekutimin e aktvendimit.

Kjo situatë vazhdon të jetë një çështje e nxehtë në publik, me të dyja palët që po ndajnë versione të ndryshme të zhvillimeve ligjore.

Mbetet për t’u parë se si do të evoluojë ky proces në vijim, pasi vendimi përfundimtar ende nuk është marrë.