Kim Kardashian ka bërë një vizitë të veçantë në ambientet e Real Madridit së bashku me fëmijët e saj, ku kanë pasur mundësinë të takojnë yjet e ekipit si Camavinga, Courtois dhe Alaba.

Megjithatë, vëmendjen më të madhe e mori sulmuesi Jude Bellingham, duke nxitur thashetheme për një romancë të mundshme mes tij dhe Kardashian.

Për të qartësuar këto zëra, Kim reagoi me humor, duke thënë se nuk është në kërkim të një lidhjeje të tillë, edhe pse fëmijët e saj, sidomos Saint, përpiqen ta bindin për të pasur një partner basketbollist apo futbollist.

“Kjo nuk është ajo që dua unë. Është në fakt për të qeshur pasi fëmijët e mi mundohen të më bindin duke më thënë se janë gati, por nuk jam unë! Ata janë shumë të veçantë. Ata vijnë në shtëpi dhe bëjnë lista”, shpjegoi ajo duke qeshur.

Kështu, Kardashian i hodhi poshtë me humor spekulimet, duke aluduar për të kaluarën e saj me sportistë.