Alaudin Hamiti dhe Jonida Vokshi do të jenë sërish në krye të Big Brother VIP Kosova për sezonin e tretë.

Ky lajm u konfirmua nga vetë Hamiti gjatë një interviste në emisionin SOL në Klan Kosova.

Hamiti vuri theksin te mënyra se si ky format ka arritur të ruajë autenticitetin e lojtarëve dhe natyrën organike të zhvillimeve brenda shtëpisë.

Sipas tij, kjo është një nga arsyet që Big Brother VIP Kosova dallon nga formatet e tjera të ngjashme.

Ai vlerësoi gjithashtu që produksioni ka arritur të krijojë një mjedis ku pjesëmarrësit shfaqin personalitetin e tyre të vërtetë, pa ndikuar nga skenarë të paracaktuar.

Big Brother VIP Kosova 3 pritet të nisë mbrëmjen e 18 tetorit dhe të sjellë momente të reja interesante për ndjekësit e tij besnikë.