I ftuar mbrëmjen e djeshme në shtëpinë e “Big Brother VIP Kosova”, Fero Fera foli hapur për marrëdhënien e tij me ish-partneren, modelen Arbenita.

Ai pranoi se vajza e tyre është më pranë nënës së saj, duke thënë: “Vajza, pa dyshim si çdo vajzë dhe çdo djalë, do më shumë nënën se babën. Vajza qëndron me nënën e saj”.

Më pas ai u shpreh se ka ende dashuri për Arbenitën dhe se e kishin menduar një rikthim mes tyre.

Megjithatë, deklaratat e tij nuk mbetën pa përgjigje. Arbenita reagoi shpejt dhe publikisht në Instagram, ku theksoi se Fero kishte marrë kujdestarinë e vajzës dhe mohoi pretendimet e tij se e vogla po qëndronte me të.

Në postimin e saj, ajo akuzoi reperin se po ushtron presion ndaj saj dhe familjes së saj, duke i kërkuar publikisht që ta lërë të qetë dhe t’i japë hapësirë për të vazhduar jetën.

Kjo situatë ka ngjallur reagime dhe diskutime të shumta, duke reflektuar vështirësitë në marrëdhënien e tyre dhe tensionet e krijuara, të cilat tani po shfaqen edhe publikisht.