Këngëtarja 22-vjeçare, Billie Eilish, është përballur me një incident gjatë një koncerti në Desert Diamond Arena në Glendale, Arizona, më 13 dhjetor 2024.

Gjatë performancës së këngës së saj “What Was I Made For?”, ajo u godit papritur në fytyrë me një varëse që u hodh nga një prej fansave që po ndiqnin koncertin.

Në videon që qarkulloi në rrjetet sociale, Eilish shihet duke kënduar në skenë. Pas një pauze të shkurtër dhe një reagimi të menjëhershëm të habitur, ajo e hedh bizhuterinë dhe vazhdon të këndojë pa u ndalur.

Publiku reagoi menjëherë me një thirrje të fortë, ndërsa fansat e Eilish filluan të shprehnin shqetësimin dhe revoltën e tyre në rrjetet sociale.

Reagimet ndaj incidentit ishin të shumta. Shumë fansa dënuan hedhjen e objekteve dhe e konsideruan të pasigurt dhe të papranueshëm veprimin.

“Veprim i gabuar në shumë nivele,” shkruajti një përdorues në X (Twitter). “Kjo është e rrezikshme dhe mund të shkaktojë dëme,” tha një tjetër, ndërsa një i tretë shprehu shqetësimin për sigurinë e këngëtares dhe shpresoi që ajo të ishte mirë.