Selena Gomez vonoi shpalljen e fejesës së saj me Benny Blanco për muaj të tërë, sepse ish-i i 32-vjeçares, Justin Bieber, mirëpriti lindjen e djalit të tij sipas raportimeve.

Gomez e bëri të ditur lajmin më 11 dhjetor duke publikuar disa foto në Instagram, në një postim që më pas mori mbi 21 milionë pëlqime dhe 2.1 milionë shpërndarje. Por rezulton se propozimin ajo mund ta ketë marrë në gusht, megjithatë, ajo nuk e ndau me publikun pasi ylli i Disney nuk donte që momenti i tyre të lidhej me Bieber-ët.

“Ata u fejuan në gusht”, tha një burim i brendshëm për The Daily Mail. “Dhe Selena nuk donte që fejesa e tyre të lidhej me Bieber në asnjë mënyrë. Sepse ata e dinin që nëse do ta shpallnin aty, njerëzit do të lidhnin dy lajmet.

Gomez e dinte se do të kishte njerëz që do ta akuzonin për fejesë për të larguar vëmendjen nga foshnja e Justin dhe për të larguar vëmendjen prej tij. Madje, njerëzit do të thoshin se ajo e bëri këtë sepse nuk e ka kaluar ende atë”, tha burimi.

Gomez shpesh është akuzuar se është përpjekur të largojë vëmendjen nga ish-partneri i saj, me të cilin ishte në lidhje nga 2010-2018, diçka që ajo e ka mohuar.

Bieber-ët mirëpritën djalin e tyre më 22 gusht, vetëm disa muaj para se të tronditeshin nga pyetjet rreth lidhjes së Justin me Sean ‘Diddy’ Combs, pasi ky i fundit u arrestua dhe u akuzua për trafikim seksual dhe shantazh.

Pavarësisht kësaj, ylli kanadez i popit dhe gruaja e tij po vazhdojnë jetën e tyre normalisht.