Aktori Laert Vasili u bë pjesë e spektaklit Big Brother VIP Albania mbrëmjen e 21 dhjetorit, duke iu bashkuar 15 konkurrentëve të tjerë.

Vetëm disa ditë pas nisjes së programit, Laerti është kthyer në një nga banorët më të komentuar të këtij edicioni. Hyrja e tij në shtëpi është pritur mjaft mirë nga publiku, dhe momentet e tij të veçanta janë bërë virale në rrjetet sociale.

Së fundmi, në internet janë publikuar disa video të tij nga një rol i hershëm në një film grek, që daton shumë vite më parë.

Përveç talentit të tij në aktrim, vëmendje ka tërhequr edhe pamja e tij në atë periudhë, ku duket më i ri krahasuar me sot.

Këto kujtime nga karriera e tij e hershme po ngjallin interes të madh te publiku, duke e forcuar më tej pozicionin e tij si një nga personazhet më të dashur të këtij spektakli.