Aktorja Gwyneth Powell, e njohur për rolin si drejtoresha Bridget McClusky në serialin e BBC-së “Grange Hill”, ka ndërruar jetë në moshën 76-vjeçare. Agjenti i saj Matthew Lacey tha në një deklaratë në emër të familjes se ajo iku nga kjo botë “pas komplikimeve pas një operacioni të madh në zorrën e trashë”. Më tej në deklaratë thuhet se aktorja ndërroi jetë e rrethuar nga të dashurit më 8 gusht.

Ajo ndërroi jetë e qetë, me bashkëshortin Alan Leith dhe mbesën pranë shtratit të saj.

Aktorja e lindur në Lancashire filloi karrierën e saj të aktrimit në vitin 1969 pasi fillimisht ishte trajnuar për të qenë mësuese në Kolegjin Goldsmith në Londër. Rolet e saj të para do të përfshinin një film në dramën legjendare të policisë britanike “Z Cars” dhe trilerin fantastiko-shkencor “The Guardians”, në të cilin ajo luajti si Clare Weston në 11 episode.

Në vitet ’70 ajo do t’u prezantohej fansave si Diana Kenton në “Coronation Street”, një rol i vogël që ajo mbajti për tre episode të telenovelës së gjatë në vitin 1976. Por ishte roli i saj kryesor si drejtoresha McClusky në dramën e shkollës për adoleshentë “Grange Hill” që e ktheu atë në një emër të njohur.

Aktorja u shfaq në 169 episode të shfaqjes jashtëzakonisht të njohur nga viti 1980 deri në vitin 1991, 17 vjet përpara se episodi i tij i fundit të transmetohej nga BBC. Një prani e njohur në shfaqje, Powell kishte kërkuar që të largohet për t’u përqendruar në role të tjera, mes tyre paraqitjet në filmat kryesorë televizivë “Casualty” dhe “Heartbeat”. Ajo gjithashtu do të luante së bashku me komedianin Greg Davies, një mësues me profesion përpara se të fitonte famë si artist, në komedinë e tij “Man Down”.