“Cilat janë plazhet më të bukura në Europë? Ne ju sugjerojmë 15 destinacionet më të bukura për të zbuluar këtë verë”. Dhe sugjerimi vjen në një artikull të botuar në të përditshmen italiane “Wom Travel”.

Nga plazhet e arta të Algarve deri te xhevahiret sekrete të Shqipërisë, ja disa nga destinacionet frymëzuese për pushimet tuaja të ardhshme sipas renditjes “European Best Destinations” (Destinacionet më të mira europiane).

Ksamil, Shqipëri

Një nga perlat sekrete të Europës që ia vlen të zbulohet është pjesa e bregdetit të Shqipërisë. Zbuloni plazhet më të bukura duke bërë një ndalesë në Ksamil, ndër destinacionet bregdetare më të bukura në Europë. I Ksamilit është një nga plazhet më të bukur në të gjithë vendin dhe ndodhet në Rivierën Shqiptare, jo shumë larg Sarandës.

Ksamili karakterizohet nga katër ishuj të vegjël të mbuluar nga bimësia mesdhetare, të cilat janë shtëpia e disa prej plazheve më të bukura dhe më sekrete në të gjithë Shqipërinë. Ishujt mund të arrihen duke notuar ose në këmbë nëse batica është e ulët.

“Wom Travel” e ka renditur Shqipërinë mes 15 destinacioneve me plazhet më të bukura në Europë për pushime në vitin 2024:

1-Ksamil, Shqipëri

2-Gjiri Ghajn Tuffieha, Maltë

3-Plazhi Monte Clerigo, Portugali

4-Plazhi Oludeniz, Turqi

5-Canal d’amour, Korfuz

6-Porto Timoni, Korfuz

7-San Andrés, Tenerife, Spanjë

8-Plazhi Odeceixe, Portugali

9-Gjiri i Shën Palit, Rodos

10-As Catedrais, Spanjë

11-Calpe, Spanjë

12-Porto Katsiki, Lefkada

13-Plazhi Scialara, Vieste

14-Plazhi Grado, Grado

15-Plazhi Vai, Kretë