Së fundmi është bërë virale në rrjetet sociale një videoqë tregon një ballkon teatri plot me njerëz që lëkunden në një nga koncertet e Gunna-s. Shumë prej nesh ndoshta kanë qenë në një koncert ose event muzikor ku muzika arrin nivele të tilla, saqë mund të ndjeni kokën tuaj duke “plasur” ose dridhjet në dysheme, por imagjinoni të shikoni dhe të kuptoni se ballkoni në të cilin jeni duke qëndruar për të parë koncertin është duke u lëkundur fizikisht.

Të shikosh lart dhe të shohësh një ballkon të mbushur me qindra njerëz që janë duke u lëkundur tek dyshemeja pikërisht mbi kokën tënde do të ishte po aq shqetësuese dhe frikësuese. Epo kjo gjë ka ndodhur…

Të hënën më 6 maj, reperi amerikan Gunna u shfaq në skenë në Fox Theatre në Detroit për të performuar para fansave si pjesë e turneut të tij të titulluar “The Bittersweet Tour”.

Nga ky koncert sigurisht të pranishmit ishin aq të entuziasmuar sa një video nga koncerti tregonte ballkonin e teatrit duke u lëkundur fizikisht lart e poshtë. Video u shpërnda edhe nga vetë Gunna, i cili e postoi klipin në Instagramin e tij së bashku me titullin:

Eyuhh #BitterSweetTour #Detroit.

 

View this post on Instagram

 

A post shared by ❕WUNNA❕🥷🏻✝️ (@gunna)

Nuk u desh shumë kohë që pamjet të bëheshin virale në faqet përfshirë Instagram, Reddit dhe X, përdoruesit e rrjeteve sociale sigurisht që e kanë komentuar këtë situatë. Në të vërtetë, kjo u bë jehonë në një deklaratë nga Fox Theatre, e cila tha për The Detroit News se:

Lloji i lëvizjes së parë në koncertin e fundit të Fox Theatre është i zakonshëm dhe i pritshëm në strukturat e ballkonit, për të mbështetur audiencën që kërcejnë në mënyrë aktive, siç tregohet gjatë koncertit të mbrëmshëm. Kjo është një pjesë integrale e projektimit inxhinierik strukturor të ballkonit. Inspektimet e rregullta, të kryera së fundmi në prill, janë përfunduar për të garantuar integritetin dhe sigurinë e strukturës.

Teatri u projektua nga arkitekti Charles Howard Crane i cili ka projektuar disa vende në Detroit, duke përfshirë Sallën e Orkestrës dhe Shtëpinë e Operës së Detroitit gjithashtu. Nuk është hera e parë që ballkoni i teatrit është parë gjithashtu duke u lëkundur, me një koncert të Joe Jonas në vitin 2010 – një atmosferë shumë e ndryshme koncerti, por që solli një efekt të ngjashëm në ballkon.