Në dallim nga fjala që shprehet apo ndërveprimet personale, ose edhe telefonatat, mesazheve me telefon u mungon shenja joverbale, siç është kontakti me sy, buzëqeshja dhe shpesh tekste të caktuara lënë keqkuptime te njerëzit.

Por, për ata që vuajnë nga ankthi, komunikimi digjital mund ta lehtësojë disi gjendjen, përveç një mesazhi të caktuar që shkakton më shumë ndjesi acarimi apo stresi. Një nga mesazhet më të këqija që mund t’i dërgoni dikujt me ankth është: “A mund të flasim?” Nëse keni ankth, kjo pyetje mund të shkaktojë më shumë shqetësime, sipas terapistëve.

“Paqartësia dhe mungesa e kontekstit në këtë lloj mesazhi lë një hapësirë të madhe për keqinterpretim”-thotë Alex Oliver-Gans, terapist në San Francisko. Paqartësia e pyetjes mund t’i bëjë njerëzit të mendojnë ose të supozojnë më të keqen. Truri i shqetësuar më pas fillon të përgatitet për çdo lloj situate të tmerrshme, nisur nga ankthi, frika dhe pasiguria.

Një riformulim i mesazheve me tekst mund të ndihmojë në eliminimin e çdo stresi ose ankthi te marrësi. Për të shmangur shqetësimin e panevojshëm të dikujt, është më mirë të jeni specifikë dhe të jepni detaje rreth asaj që dëshironi të diskutoni. Disa fjalë shtesë në mesazhin tuaj mund t’u kursejnë të gjithëve ankthin dhe t’u japin një mundësi për t’u përgatitur për bisedën më të gjerë që dëshironi të bëni me të.

Njerëzit i drejtohen një psikologu ose psikoterapisti kur kanë stres dhe simptoma që rriten në atë masë saqë vuajtja nuk është më e mundur të durohet. Sa më e madhe të jetë vuajtja aq më i madh është motivimi për të përballuar problemin. Një krizë nervore ndodh kur një ngjarje e jetës ose stresi tejkalon përvojën tonë dhe kapacitetin aktual emocional. Në procesin e punës me veten, si pjesë e këshillimit psikologjik, simptomat dhe ankesat lehtësohen me kalimin e kohës, sepse funksioni i tyre sinjalizues humbet rëndësinë e tij pasi fokusohemi te problemi.