Kryeministri i Sllovakisë, Robert Fico është në gjendje shëndetësore jashtëzakonisht të rëndë pasi mbeti i plagosur në një atentat që iu bë mesditën e sotme (15 maj).

Ministri i Mbrojtjes së Sllovakisë, Robert Kalinak ka deklaruar se kryeministri është duke iu nënshtruar një operacioni dhe se gjendja e tij shëndetësore është shumë e rëndë.

Në një konferencë shtypi jashtë spitalit, Kalinak tha se mjekët po luftojnë për të shpëtuar jetën e Ficos i cili ka pësuar një “politraumë” të rëndë pas disa të shtënave me armë.

 “Shëndeti i Ficos është serioz, gjendja e tij është e keqe. Nuk kemi lajme të mira për momentin dhe shpresojmë në duart e mjekëve specialistë në spital”- tha ai.

Kaliňák tha se operacioni ka filluar para tre orësh e gjysmë dhe është ende në vijim.

Mediat sllovake kanë publikuar pamjet e autorit 71-vjeçar, që plagosi me armë zjarri kryeministrin e vendit, Robert Fico.

‼️ Video of the first interrogation of the man who shot Fico 5 times

The writer Juraj Cintula, who shot #Slovak Prime Minister #Fico, said he did it because he disagreed with the government's policies. pic.twitter.com/DDPBLnyxFj

— NEXTA (@nexta_tv) May 15, 2024

Këto pamje janë regjistruar pasi ai është arrestuar, ndërsa referuar mediave të huaja, ka deklaruar se sulmin ndaj Robert Fico e ka kryer pasi nuk bie dakord me politikat e qeverisë së tij.

Autori është një shkrimtar i njohur në vend, ndërsa tashmë pritet që të merret në pyetje dhe të zbardhet dinamika e plotë e ngjarjes së rëndë.