Naomi Campbell ka konfirmuar se i ka mirëpritur të dy fëmijët e saj përmes një surrogate, pasi u bë nënë për herë të parë në vitin 2021 në moshën 50-vjeçare dhe pozoi me të porsalindurin në kopertinën e “Vogue”. Supermodelja, tashmë 54 vjeçe, tronditi botën kur njoftoi lindjen surprizë të vajzës së saj, e ndjekur nga një djalë në vitin 2023, emrat e të cilëve mbretëresha e pasarelave nuk i ka bërë publikë.

Naomi më parë pranoi se vajza e saj 3-vjeçare, nuk ishte birësuar më parë, duke sqaruar se ajo nuk kishte mbetur shtatzënë vetë, ndërsa diskutoi se sa rëndësi kanë fëmijët e saj për të. Modelja tha për The Times: “Fëmijët e mi janë gjithçka për mua. Më ka bërë të frikësohem për të ardhmen”. Naomi më tej shpjegoi se ajo kurrë nuk po kërkonte një baba për fëmijët e saj dhe e lumtur që ishte ‘nënë beqare’.

Campbell ka ndezur thashethemet për një lidhje dashurie me milionerin Mohammed Al Turki. Të dy po kalojnë gjithnjë e më shumë kohë së bashku dhe për herë të fundit janë parë në publik në BAFTA Awards. Sipas një burimi për mediat britanike, modelja së fundmi ka udhëtuar drejt Dubait për të dhe është më e lumtur se kurrë. Mohammed është një producent filmash dhe drejtor i Fondacionit të Detit të Kuq. Pasuria e tij vlerësohet të jetë rreth 200 milionë dollarë. Modelja ka qenë më parë në një lidhje me biznesmenin rus Vladislav Doronin. 

Naomi zbuloi së fundmi se varësia ndaj drogës gati sa nuk i mori jetën në kulmin e karrierës së saj në vitet ’90. Ylli legjendar i pasarelave foli hapur për abuzimin e saj në të kaluarën me substanca në serialin e ri dokumentar të “AppleTV+”, “The Super Models”, duke pranuar se ajo u bë përdoruese e kokainës për të përballuar traumën e fëmijërisë dhe vdekjen e stilistit dhe mikut të ngushtë italian Gianni Versace. Ikona e modës tha se bota e saj u trondit kur Versace u vra jashtë shtëpisë së tij në Miami Beach në vitin 1997. Supermodelja britanike luftoi me varësinë e saj ndaj substancave narkotike për pesë vjet, madje u rrëzua gjatë një sesioni fotografik në 1999.