Snapchat vjen me forma të reja sigurie për të parandaluar mashtrimin dhe shfrytëzimin seksual të adoleshentëve!

vovalbania June 26, 2024 0 koment 1 Mund të lexoni në minuta.
Snapchat vjen me forma të reja sigurie për të parandaluar mashtrimin dhe shfrytëzimin seksual të adoleshentëve!

Snapchat-i po punon për ta bërë më të vështirë kontaktimin e adoleshentëve nga të panjohurit, me qëllimin për të ndaluar mashtrimin dhe shfrytëzimin seksual. Kompania njoftoi një sërë veçorish të reja sigurie. Një ndër to është paralajmërimi me anë të një njoftimi kur adoleshentët marrin mesazhe nga dikush me të cilin nuk kanë miq të përbashkët ose nuk e kanë në kontaktet e tyre. Por edhe kur është bllokuar ose raportuar nga të tjerët.

Gjithashtu, do të parandalojë dërgimin e kërkesave për miqësi si nga ana e adoleshentëve dhe nga të panjohurit, nëse nuk kanë miq të përbashkët. Përveç kësaj, veçoritë e reja synojnë edhe parandalimin e mashtrimit financiar, një lloj mashtrimi shqetësues dhe në rritje në mediat sociale, ku shantazhuesit fitojnë besimin e të rinjve , duke i bindur ata të dërgojnë foto ose video intime me qëllim të përfitimit seksual. Materiale për të cilat më pas kërkojnë pagesë në këmbim të mbajtjes së fshehtë.

“Këto veçori janë krijuar për të mbrojtur më mirë adoleshentët nga dëmtimet e mundshme në internet dhe për të përmirësuar lidhjet me miqtë e vërtetë që e bëjnë Snapchat-in kaq unik,” tha Shefja Globale e Sigurisë së Platformës së Snapchat-it, Jacqueline Beauchhere, në një deklaratë për mediat.

Ekspertët kanë paralajmëruar vitet e fundit për një rritje të mashtrimeve me përmbajtje seksuale në internet, në të cilat shantazhuesit synojnë fëmijët dhe adoleshentët, shpesh me profile që duket se u përkasin adoleshentëve. Në disa raste, shantazhi ka përfunduar në vetëvrasje.

Snapchat ka deklaruar së fundmi se është duke punuar për ta bërë aplikacionin edhe më të sigurt për përdoruesit adoleshentë. Snap, kompania mëmë e platformës tha se do të shpërndajë një numër të veçorive dhe politikave me synim që t’i mbrojë më mirë përdoruesit e moshave nga 13 deri në 17 vjeç, duke përfshirë edhe kufizimet në sugjerimet e miqve dhe një sistem të ri për largimin e përmbajtjes së papërshtatshme për moshën.

Kompania gjithashtu ka lançuar një seri të videove në YouTube për prindërit në lidhje me veçoritë dhe një ueb-sajt të përditësuar ku vihen në pah politikat e saj të sigurisë për adoleshentët dhe kontrollit prindëror. Veçoritë e reja vijnë mes presionit në rritje në platformat e mediave sociale nga ligjvënësit, edukatorët dhe prindërit për të mbrojtur përdoruesit e rinj nga përmbajtja e papërshtatshme.

Biletë:

vovalbania

Redaktori nuk ka dhënë ende asnjë informacion për veten e tij.

Total 64725 ka shpërndarë postimin.
MEDIAT SOCIALE