Kryeministri britanik, Rishi Sunak foli për antisemitizmin në Britaninë e Madhe, referuar konfliktit Izrael-Hamas, duke e përshkruar si një “sëmundje” me të cilën është “i vendosur që të përballet”, gjatë një fjalimi për zgjedhjet e përgjithshme në një komunitet hebre në veri të Londrës. Sunak vizitoi  sinagogën “Machzike Hadath” në Golders Green, ku rabini Shraga Feivel Zimmerman e udhëhoqi atë në Lutjen e Mirëqenies së Shtetit.

Në fjalimin e mbajtur, Sunak u shpreh se nuk do të “ngacmonte Izraelin për të bërë lëshime që nuk ishin në interesat e tij” dhe theksoi rritjen e antisemitizmit në Britaninë e Madhe pas sulmit të Hamasit në Izraelin jugor më 7 tetor të vitit të kaluar.

Unë kurrë nuk do të dyshoj se kush ishte fajtori për këtë akt jashtëzakonisht të neveritshëm terrori. Unë do të jem i palëkundur pranë Izraelit në momentin e nevojshëm, tha Sunak. Dhe unë nuk do të përpiqem të detyroj Izraelin të bëjë lëshime që nuk janë në interesat e tij. Izraeli meriton të jetojë në paqe dhe siguri. Dhe nuk duhet të harrojmë kurrë se ende ka pengje që mbahen nga terroristët e Hamasit. Unë them me zë të lartë dhe e di që ju do të bashkoheni me mua, për t’i sjellë ata në shtëpi.

Ky antisemitizëm është një sëmundje dhe unë jam i vendosur për t’u përballur me të. Tani për fat të keq, ne nuk mund ta kurojmë brenda natës, por unë do të udhëheq një përpjekje afatgjatë për të forcuar sigurinë tuaj, për të mbrojtur vlerat tona liberale demokratike e për të ndryshuar kulturën tonë, në mënyrë që të trajtojmë shkaqet rrënjësore të kësaj urrejtjeje.

Sunak iu referua marrëveshjes shumëvjeçare të financimit të Britanisë së Madhe për Sigurinë e Komunitetit Trust (CST), me vlerë mbi 70 milion paund apo ndryshe (88,5 milion dollarë) gjatë katër viteve të ardhshme për bamirësinë që promovon sigurinë hebraike.

CST-ja regjistroi një rritje vjetore në raportet e antisemitizmit prej 147% midis viteve 2022 e 2023, sipas Raportit vjetor të Incidenteve Antisemitike.