Marrëdhënia mes Miley Cyrus dhe babait të saj, Billy Ray Cyrus, thuhet se ka arritur një pikë pa kthim pas një regjistrimi audio në të cilin ai bëri komente fyese për vajzën e tij dhe ish-gruan e tij, Tish Cyrus. Billy Ray kritikoi publikisht të bijën dhe iu referua asaj me terma nënçmues si “djallëzore” dhe “e shthurur”.

Sipas burimeve pranë familjes, Miley ka ndërprerë komunikimin me të atin dhe nuk është e hapur të pranojë asnjë falje. Billy Ray gjithashtu bëri komente përçmuese për ish-gruan Tish, duke e quajtur atë me emra nënçmues dhe duke vënë në dyshim karakterin e saj. Kjo vjen pasi Tish paraqiti kërkesën për divorc nga Billy Ray në 2022, duke i dhënë fund martesës së tyre të gjatë.

“Nuk ka asnjë justifikim që një baba ta quajë vajzën e tij të shthurur”-tha burimi i brendshëm për RadarOnline. “Çdo lloj respekti që Miley kishte për babanë e saj është zhdukur. Ai ka vdekur për të.”-shtoi burimi. Situata e ka bërë këngëtaren të ndjehet thellësisht e lënduar nga babai i saj.

Ndërkaq, Cyrus mban një rreth të ngushtë shoqëror kur bëhet fjalë për artistë të tjerë. Në një intervistë për ‘My Next Guest Needs No Introduction’ të David Letterman në Netflix, artistja e famshme pranoi se nuk i mban miqësitë me individë të tjerë të industrisë së showbizit dhe shpjegoi pse:

“Nuk jam person shumë aktiv dhe nuk jam aktive në komunitetin e artistëve të tjerë. Thjesht nuk ndihen si me njerëzit e mi kur jam me ta. Por ka disa artistë. Si Beyoncé, që jemi njohur prej vitesh.”-tha ylli i muzikës pop. Këngëtarja kujtoi performancën e saj me supergrupin e “Destiny’s Child” dhe këngën që ajo performoi me artistë si Mary J. Blige, Carrie Underwood, Fergie, Natasha Bedingfield, Ashanti dhe shumë të tjerë.