Dashi – Fokusi juaj do të jenë çështjet praktike për të përmirësuar jetën. Detajet e vogla janë të rëndësishme dhe do ju ndihmojnë të mbani gjithçka nën kontroll. Keni mundësinë të përmirësoni diçka në rutinën tuaj. Në dashuri, mund të intrigoheni nga dikush në ambientin e punës.

Demi – Me Afërditën krah jush gjërat do të përmirësohen sa u përket projekteve dhe jetës erotike. Mund të përfshiheni me dikë apo të zbuloni një talent. Edhe jeta sociale duket mjaft premtuese sepse do të keni takime të veçanta.

Binjakët – Do të keni energjinë dhe syrin kritik për të rimodeluar shtëpinë. Kjo do ju ndihmojë që të jeni në humor të mirë për javët në vazhdim. Është një mundësi e mirë për të organizuar, hequr çfarë nuk ju nevojitet që të krijoni hapësirë jo vetëm në ambientin ku jetoni, por edhe në mendjen tuaj.

Gaforrja – Do të shqetësoheni për të arritur diçka apo për të shënuar një tjetër moment në karrierë sepse keni pësuar disa zhgënjime. Afërdita do t’ju ndihmojë sepse do të kalojë në sektorin e komunikimit dhe kontaktet tuaja do t’ju ndihmojnë. Besojini miqve tuaj.

Luani – Dëshironi luks, klas dhe stil. Afërdita kalon në Virgjëreshë dhe për ju prek sektorin financiar ndaj do t’ju tërheqë gjithçka që lidhet me luksin dhe funksionalitetin. Do të vlerësoni çfarëdo që i reziston kohës dhe me një çmim të volitshëm.

Virgjëresha – Me planetin e harmonisë në shenjën tuaj do të bëni hapa të mëdhenj përpara. Keni dashur kontakte të reja dhe tani është koha e duhur. Nëse doni të lini mbresa, Afërdita favorizon edhe ndryshimet në pamje. Kjo mund t’ju ndihmojë me vetëbesimin.

Peshorja – Do të përqendroheni në aspektin tuaj shpirtëror. Do të tregoheni empatikë me të tjerët. Njëkohësisht kjo do të jetë e favorshme për t’u treguar të tillë edhe me veten. Nëse keni nisur një marrëdhënie dhe nuk dëshironi ende t’ua zbuloni të tjerëve, dëgjoni intuitën.

Akrepi – Lërini ambiciet mënjanë sepse duhet të takoni miqtë dhe njerëzit me të cilët s’keni folur prej kohësh. Është një moment edhe për të njohur të tjerë që përshtaten me botën tuaj. Nëse doni aventura dashurie, është momenti i duhur për disa takime.

Shigjetari – Shpirti aventurier e argëtues që keni do t’ju ndërlidhë me disa njerëz që kanë të njëjtën energji si ju, duan të eksplorojnë hobe të reja dhe të përjetojnë emocione. Mprehni sharmin tuaj sepse do të lini mbresa.

Bricjapi – Do të tregoheni shumë bujarë, sidomos me familjen tuaj. Madje me këtë sjellje do të rregulloni edhe miqësinë me dikë që ju ka zhgënjyer. Me Afërditën në zonën e udhëtimeve për ju do të kaloni shumë mirë në një udhëtim, sidomos nëse shoqëroheni nga njeriu i duhur.

Ujori – Ndjenjat do të shumëfishohen sepse Afërdita hyn në sektorin e sekreteve dhe emocioneve. Prezenca e saj do t’ju nxisë që të zgjidhni probleme të hershme emocionale dhe të përpiqeni që problemet financiare t’i shihni me këndvështrimin për t’i lehtësuar. Me Mërkurin në Peshore, fjalët tuaja do të jenë bindëse dhe do të kenë peshë.

Peshqit – Miqtë mund të jenë bekim për jetën tuaj, sidomos në javët në vazhdim kur një ndikim pozitiv do t’ju ndërlidhë me shumë njerëz dhe do të shijoni momentin. Mund të kontaktoni edhe me persona me eksperiencë dhe influencë, kështu që keni shanse të mira për një mundësi që e dëshironit prej kohës./tvklan.al