Çifti i famshëm, Justin dhe Hailey Bieber janë tani prindër të një djali!

Justin njoftoi lajmin emocionues për ardhjen e fëmijës së tyre të parë, një djalë të quajtur Jack Blues Bieber, përmes rrjeteve sociale të premten mbrëma.

Në një postim në Instagram, këngëtari i hitit “Love Yourself” shkroi emocionues: “WELCOME HOME JACK BLUES BIEBER.” Postimi u shoqërua nga një foto që menjëherë tërhoqi vëmendjen dhe urimet e fansave dhe miqve të çiftit.

Hailey, gjithashtu, ndau postimin e Justin në Instagram Story-n e saj, duke shtuar një arush pelushi dhe një emoji me zemër blu, duke e bërë njoftimin akoma më të ëmbël.

Çifti i njohur e ndau për herë të parë publikisht lajmin për shtatzëninë në maj të këtij viti. Në atë kohë, Justin dhe Hailey postuan një video dhe një seri fotosh në Instagram, duke e ndarë me ndjekësit e tyre lumturinë për ardhjen e një anëtari të ri në familjen e tyre.

Ardhja e Jack Blues Bieber ka sjellë një lumturi të madhe në familjen Bieber, dhe fansat po presin me padurim për të parë më shumë momente të çmuara nga jeta e re e çiftit si prindër.