John Cena, aktori dhe mundësi amerikan, së fundmi ishte i ftuar në podcastin ‘Club Shay Shay’ ku diskutoi për çështjen e prindërimit. Ai shpjegoi pse mendon se kjo nuk është për të dhe tregoi se ka menduar gjatë për këtë temë, të cilën e përshkruan si mjaft të vështirë. Aktori 47-vjeçar shpjegoi se nuk dëshiron të ketë fëmijë, por pranon se është e vështirë për të tjerët ta kuptojnë, pasi shumë njerëz besojnë, siç thotë Cena, se jemi këtu vetëm për të riprodhuar.

Jam i vetëdijshëm për sa shumë investim dhe sakrificë është e nevojshme për të qenë një prind i mirë, Më frikëson ideja sepse jam shpesh kokëfortë dhe egoist dhe i qasem botës me një kuriozitet të madh. Për këtë arsye, mendoj se nuk jam i gatshëm dhe as nuk do të jem ndonjëherë i gatshëm të investoj kohën e nevojshme për të qenë një prind i mirë, sepse dua të jetoj jetën ashtu siç e jetoj.

Ai shtoi se ndjen që ka ende shumë për të bërë dhe arritur në jetë dhe se gruaja e tij Shay Shariatzadeh, me të cilën është martuar që nga viti 2020, është një mbështetje e madhe për të. Cena gjithashtu tha se ka biseduar shumë me gruan e tij për prindërimin dhe se ajo mendon në të njëjtën mënyrë si ai dhe se që nga fillimi i lidhjes janë pajtuar për këtë çështje.

“Është e vështirë të flasësh për këtë me të tjerët sepse të gjykojnë menjëherë”-tha John, por shtoi se beson që çdokush ka të drejtë të jetojë jetën siç dëshiron. “Nuk e kam marrë këtë vendim shpejt, kam menduar për këtë që nga mosha 15 ose 16 vjeç dhe kam kuptuar se kjo është më e mira për mua”-pranoi ai.

John Cena ka shpjeguar gjithashtu së fundmi se pse ai preferon ta mbajë private lidhjen e tij me gruan e tij Shay Shariatzadeh, në një episod të podcastit të Dax Shepard’s Armchair Expert. Ylli 46-vjeçar i “WWE” tha se ai mbron partneren e tij duke ruajtur privatësinë e tyre, sepse ai vlerëson sigurinë dhe mirëqenien e saj.

Ai zbuloi se:

Një nga premtimet që i bëra asaj në altar ishte: “Unë nuk do të të vë kurrë ose do të bëj çmos që të mos të vë në një rrezik të panevojshëm.” Dhe nuk do të thotë se të gjithë kanë qëllime të këqija ose ne do të hasnim ndonjëherë në dikë të keq, por asnjëherë nuk e dini kur dikush ndihet i kërcënuar. Nëse gruaja ime, e cila është partnerja ime në jetë, tani ndihet e pasigurt ose e pakëndshme në të gjitha këto vende të reja që shkojmë, unë kam një tjetër pengesë për t’u ngjitur në jetën time personale. Është vetëm një ushtrim në fuqinë e kufijve dhe vlerën e kufijve.