SHBA pranë marrëveshjes që do ta ndryshonte rrjedhën e luftës në Ukrainë
Shtetet e Bashkuara janë afër një marrëveshjeje për t’i dhënë Ukrainës raketa me rreze të gjatë që mund të arrijnë thellë në Rusi, raporton agjencia Reuters. Përfshirja e raketave JASSM në një paketë armësh pritet të shpallet këtë vjeshtë. Por Kievit do t’i duhet të presë disa muaj pasi SHBA-ja punon me çështje teknike përpara çdo dërgese.
Dërgimi i raketave JASSM në Ukrainë mund të ndryshojë ndjeshëm peizazhin strategjik të konfliktit. Analistët ushtarakë kanë sugjeruar që futja e JASSM-ve, të cilat janë të pakapshme për radarët mund të godasin më në thellësi të territorit, krahësuar me shumicën e raketave të tjera në inventarin aktual të Ukrainës. Kjo mund të detyrojë trupat ruse dhe depot e furnizimit të largohen me qindra milje.
Lëshimi i tyre nga pika afër kufirit verior të Ukrainës me Rusinë, mund t’i lejojë ata të godasin instalimet ushtarake deri në qytetet ruse të Voronezh dhe Bryansk.
Në jug, hedhja e tyre pranë vijave të frontit mund të mundësojë sulme në fushat ajrore ose objektet detare në Krime.