Anija kozmike “Vega” u lëshua nga baza evropiane në Kourou  të Guajanës Franceze në atë që konsiderohet fluturimi i fundit i karrierës së saj 12-vjeçare. “Vega” do të lëshojë në orbitë “rojtarin” e ri të planetit, satelitin Sentinel 2C të programit të vëzhgimit të Tokës “Copernicus” të Agjencisë Evropiane të Hapësirës dhe Komisionit Evropian.

Lëshuesi i menaxhuar nga ESA dhe i projektuar në Itali nga Avio, operohet nga Arianespace. E krijuar për të dërguar satelitët e vegjël dhe të mesëm në orbitë, “Vega” e filloi karrierën e saj më 13 shkurt 2012 dhe që atëherë ka ndërmarrë 23 fluturime në të cilat ka çuar më shumë se 120 satelitë në orbitë.