Së fundmi Elon Musk ka folur për vdekjen e fëmijës së tij të parë, ndërsa ka theksuar edhe refuzimin e tij për të lejuar teoricienin Alex Jones të kthehet në Twitter. Musk, pronari i ri rrjetit social, mbrëmë vuri në dukje mohimin e Jones për të shtënat në shkollën fillore në Sandy Hook, në të cilën 20 fëmijë dhe gjashtë anëtarë të stafit mbetën të vrarë.

Jones fitoi famë të madhe pasi pretendoi se masakra e vitit 2012 në “Connecticut” ishte një mashtrim i organizuar si pjesë e një komploti të qeverisë për t’u marrë armët amerikanëve. Më pas, ai u urdhërua të paguante më shumë se 1 miliard dollarë kompensim për familjet e viktimave pasi humbi disa beteja gjyqësore shumë të komentuara. Ai planifikon të apelojë vendimin. Miliarderi, i cili humbi djalin e tij të parë Nevada Alexander në vitin 2002, i cili ishte vetëm 10-javësh, tha se nuk kishte aspak mëshirë për këdo që do të përdorte vdekjen e fëmijëve për përfitime. Musk tha:

Fëmija im i porsalindur vdiq në krahët e mi. E ndjeva rrahjen e tij të fundit të zemrës.Nuk kam mëshirë për askënd që do të përdorte vdekjen e fëmijëve për përfitime, politikë apo famë.

Fëmija i parë i Musk me gruan e tij të parë Justine Musk në 2002 erdhi vetëm dy vjet pasi çifti u martua. Nevada vdiq nga sindroma e vdekjes së papritur të foshnjës pasi u shtri për të fjetur. Pasi Elon dhe Justine u ndanë, ajo tregoi në një ese të Marie Claire se si foshnja papritmas pushoi së marri frymë.

Ajo shkroi:

Në kohën kur mjekët e ringjallën atë, ai kishte qenë i privuar nga oksigjeni për aq kohë sa ai kishte vdekur nga truri. Ai kaloi tre ditë në rrezik për jetën në një spital në “Orange County” përpara se ne të merrnim vendimin për ta hequr aparaturat. E mbajta në krahë kur vdiq.

Justine është një shkrimtare e trillimeve që ka botuar disa romane fantazi dhe ka sjellë në jetë edhe pesë fëmijë të tjerë me Elon Musk, përpara se të divorcoheshin në vitin 2008. Pronari i ri Twitter, gjithashtu ka dy fëmijë të vegjël me këngëtaren Grimes dhe është baba i binjakëve me Shivon Zilis, drejtoreshë në një nga kompanitë e tij Neuralink.