“Avatar 2” mund të duhet të thyejë disa rekorde, sipas regjisorit James Cameron. 68-vjeçari tha për Revistën “GQ” se filmi ishte shumë i shtrenjtë kur u pyet se sa kushtonte. Megjithëse nuk dha një numër të saktë në intervistë, ai bëri një analogji me shaka për të dhënë një ide të kostos.

Duhet të jetë filmi i tretë apo i katërt me koston më të lartë në histori.

Ai gjithashtu iu referua si rasti më i keq i biznesit në historinë e filmit. Sipas Revistës “Variety”, filmi i parë “Avatar” është filmi me fitimet më të larta të të gjitha kohërave. Intervista e regjisorit James Cameron në “GQ” doli në të njëjtën ditë kur u publikua ‘trailer’-i përfundimtar, vetëm një muaj para se filmi të publikohet i plotë.

Filmi i dytë, i titulluar “Avatar 2: The Way of Water”, rikthen pjesën më të madhe të kastit origjinal duke përfshirë Worthington, Saldaña, Sigourney Weaver dhe Stephen Lang, por gjithashtu do të sjellë Kate Winslet dhe Vin Diesel në kastin e aktorëve. “Avatar 2” do të dalë të premten e 16 dhjetorit.

“Avatar: The Way of Water”, i pari nga katër vazhdimet e planifikuara, raportohet se do të dalë më 16 dhjetor. Tre vazhdimet e tjera vijnë në kinema çdo dy vjet, në 2024, 2026 dhe 2028. Kujtojmë që në vitin 2009, “Avatar” bëri histori duke u bërë filmi i parë që kapërceu shifrën prej 2.8 miliardë dollarësh në arkat ndërkombëtare.