Po afron sezoni i fundvitit ku mund të takoni shumë njerëz të afërm në çdo kohë, kështu që ju duhet patjetër një grim i përshtatshëm që do t’ju bëjë të ndiheni të sigurta, të dukeni bukur dhe të gatshme për çdo rast. Këtë vit, ne duam t’ju tërheqim vëmendjen me tendencat më të fundit të ‘make-up’-it, të cilat janë mjaft të thjeshta dhe madje mund t’i aplikoni gjatë gjithë vitit nëse dëshironi. Më poshtë ju njohim me disa sugjerime për ‘make-up’-it që do t’ju ndihmojnë të dukeni si vajza më e bukur në këtë sezon festash:

1. Ton sysh i gjelbër dhe i artë në pjesën e poshtme të syrit.

Ngjyrat e forta kanë qenë një domosdoshmëri e sezonit 2021-2022. Shtimi i xixave të arit në fillim të një nuance të thellë jeshile mat në pjesën e poshtme të syve është perfekte për një pamje festive elegante, që do të bëjë që ngjyra juaj natyrale e syve të shfaqet. Kjo do t’i bëjë sytë tuaj të ngjajnë me një pemë Krishtlindjeje, por në kuptimin e mirë të fjalës.

2. Shkëlqimi klasik.

Teksa kalojmë nëpër ciklin natyror të tendencave të bukurisë që shkojnë dhe vijnë, pamja klasike do të jetë gjithmonë në modë. Një paletë e thjeshtë sysh ‘smokey’, me qerpikë të gjatë dhe buzë të kuqe është çelësi i suksesit. Nëse jeni duke kërkuar për një opsion të përjetshëm për t’u mbështetur, mos kërkoni më tej.

3. Penel i kuq për guximtarët.

Nëse dëshironi të dukeni të guximshme dhe të jeni trendi, kjo pamje njëngjyrëshe e penelit të kuq është e përkryer për këtë punë. Ju mund ta bëni lehtësisht penelin e kuq me një laps buzësh dhe të jeni të sigurta se do të ngjajë sikur ta keni bërë me një penel të vërtetë.

4. Xixat e rreme tek sytë.

Përdorimi i xixave në dukjen tuaj të grimit nuk duhet të jetë shumë i ngarkuar. Shtimi i vetëm disa gurëve sipër qepallave tuaja do t’ju bëjë të dukeni mjaft festive. Ky do ishte grimi perfekt për mbrëmjen e Vitit të Ri.