Altin Dumani zgjidhet kreu i ri i SPAK-ut. Në një votim të pak çasteve më parë, prokurori mori shumicën e votave në Këshillin e Lartë të Prokurorisë dhe do të jetë ai drejtuesi i Prokurorisë së Posaçme në tre vitet e ardhshme, duke zëvendësuar Arben Krajën, tashmë për një mandat 3-vjeçar.

Edhe Dumani prezantoi platformën, para se Këshilli i Lartë i Prokurorisë të vendoste për emrin e tij në garën ku gjithashtu ishin rivalë Adnan Xholi dhe Edvin Kondili.