Një sondazh britanik zbuloi se 71% e njerëzve nuk i pastrojnë rregullisht pajisjet që përdorin çdo ditë në shtëpinë e tyre. Kjo do të thotë se këto pajisje mund të bëhen terren pjellor për përhapjen e mikrobeve që janë toksike për shëndetin. Disa studime kanë treguar se bakteret si E.coli, salmonela dhe listeria mund të rrinë në frigorifer dhe të shkaktojnë helmim potencial ushqimor, dhimbje abdominale dhe simptoma të gripit.

Çdo tre muaj ju nevojitet një pastrim më i thellë, me detergjent të veçantë dhe ujë të nxehtë me sapun. Temperaturat e ulëta të larjes dhe detergjentet pa zbardhues lejojnë që mikrobet dhe bakteret të mbijetojnë brenda lavatriçes. Nuk është rastësi që gjurmët e E.coli dhe Staphylococcus aureus janë gjetur në 44% të tyre. Çdo muaj lavatriçja duhet të dezinfektohet.

Megjithëse temperaturat e larta mund të arrihen brenda lavastoviljes, kjo nuk parandalon formimin e baktereve të tilla si pseudomonas dhe acinetobacter, të cilat mund të shkaktojnë infeksione te njerëzit me sistem imun të komprometuar. Sikur të mos mjaftonte, mbetjet e ushqimit mund të bllokojnë rrjedhën e ujit dhe kjo e kombinuar me nxehtësinë dhe lagështinë, mund të shkaktojë formimin e mykut.

Gjëja e parë që duhet kontrolluar është kullimi, i cili duhet të hiqet dhe larë në lavaman me një furçë dhëmbësh të vjetër. Një herë në muaj bëhet një pastrim më i plotë i pajisjes, duke vendosur një filxhan uthull të bardhë në raftin e sipërm. Ndërkaq, çdo javë dera e furrës duhet pastruar, ndërsa një herë në muaj është e nevojshme të kryeni një pastrim më të plotë të pajisjes, duke përdorur një detergjent specifik ose një përzierje të ujit të nxehtë dhe lëngut për larjen e enëve, pa lënë pas dore dorezat.

Mbetjet e ushqimit janë ushqimi i preferuar i baktereve, sidomos E.coli dhe salmonelës nëse tentoni të përdorni furrën me mikrovalë për të shkrirë mishin e papërpunuar. Përdorni ujë të nxehtë dhe lëngje për larjen e enëve ose të zieni një tas me ujë dhe limon ose ujë dhe uthull, lëreni të veprojë avulli për rreth 15 minuta, pastaj përdorni një leckë të butë në muret e brendshme dhe në derë.