Jennifer Lawrence bëri një paraqitje të rrallë në park me djalin e saj Cy të mërkurën në Los Angeles, Kaliforni. 32-vjeçarja ndau disa momente të adhurueshme me djalin e saj të vogël, të cilin e ka me bashkëshortin e saj, Cooke Maroney teksa luanin në shilarëse dhe ajo po lëkundte  foshnjën për ta vënë në gjumë përpara se të ktheheshin në makinën e tyre.

Aktorja e vlerësuar me mjaft çmime, kishte një ‘look’ tipik të mamave të cilat kujdesen gjatë gjithë kohës për fëmijët e tyre. Ajo kishte veshur një bluzë të zezë me mëngë të shkurtra poshtë, ndërsa sipër saj kishte hedhur një bluzë ngjyrë kremi me mëngë të gjata me një palë streçe gri.

Ylli gjithashtu i kishte kapur flokët në formën e një topuzi të çrregullt, nuk kishte vënë aspak grim dhe kishte vendosur një palë syze dielli në kokë. Djali i saj 10 muajsh Cy ishte i veshur me një palë tuta me stampime dardhe, një xhaketë me pika të markës “Sherpa” nga At Noon dhe një palë atlete ‘converse’.

Aktorja e filmit “Hunger Games” e lindi djalin e saj në shkurt me bashkëshortin e saj Cooke Maroney, i cili është një galerist arti në New York. Dyshja u njohën në vitin 2018 kur një mik i përbashkët i prezantoi dhe ata u fejuan pas më pak se një viti lidhje.

Jennifer kohët e fundit u shfaq në “Variety’s Actors on Actors” dhe mori pjesë në intervistën me Viola Davis. Dy aktoret e listës A folën për betejat e ngjashme të mëmësisë dhe mungesën e lidhjes mes njerëzve vitet e fundit.

Viola, e cila është më e njohur për rolet e saj në filmat “The Help”, “How to Get Away With Murder” dhe “The Woman King”, tha:

 Dëgjo, gjithçka që bëjmë ne si aktorë i ndihmon njerëzit të ndihen më pak të vetmuar. Ne po jetojmë në një botë tani ku jemi kaq të shkëputur nga vetja, saqë nuk mund të lidhemi me njerëzit e tjerë. Dhe kjo sepse të gjithë po kryejnë një mashtrim. Unë them të thotë!

Jennifer foli më pas për mënyrën sesi filmi i saj i fundit, “Causeway”, u realizua gjatë tre ngjarjeve të rëndësishme në jetën e saj: martesa me burrin e saj Cooke, lindja e fëmijës së saj të parë dhe pandemia globale.