Një nënë e re ka treguar për mediat britanike se druhet për sigurinë e vajzës së saj 4-vjeçare pasi shtëpia e tyre është e ndërtuar në një rrethrrotullim. Chelsea Griffiths, 22-vjeçe tregon se në orë specifike të ditës i duhet të largohet nga shtëpia për të shmangur trafikun e rënduar që rrethon apartamentin ku ajo jeton. Blloku i banesave i ndërtuar në mes të rrethrrotullimit ndodhet në fshatin Penywaun, Uellsi i Jugut.

Griffiths, e cila është edhe shtatzënë në muajin e tetë shprehet se i di momentet e ngarkuara të ditës kur autobusët janë në rrethrrotullim.

E menaxhoj kohën për të ardhur dhe për t’u larguar sa më të sigurt që të jetë e mundur, përndryshe jemi të bllokuar.

Një tjetër banore tha se vendndodhja e banesave u kujton nëntë netë që kanë kaluar në burg. 22-vjeçarja rrëfeu po ashtu se shpreson të largohet nga shtëpia sapo të sjellë në jetë djalin. Griffiths, e cila punon për sigurinë në festivale, ka jetuar në apartamentet e këshillit për dy vjet me Osha dhe kafshët e tyre shtëpiake, një kotele e quajtur Ginge dhe një lepur, i quajtur gjithashtu Osha.

Ajo po pret një djalë me të dashurin e saj mekanik Callum, 24 vjeç dhe çifti shpreson të gjejë një vend tjetër për të jetuar. Një nënë tjetër, 34 vjeçe, e cila ka një apartament në katin përdhes, tha:

Është si të jetoj në një ishull, ndihem mjaft e shkëputur edhe pse pjesa tjetër e fshatit është vetëm disa metra larg. Unë nuk i lë fëmijët e mi jashtë për të luajtur, është thjesht shumë e rrezikshme. Unë kam jetuar në apartamente për pesë vjet, por do të doja të ikja nga këtu në një vend më të sigurt.

Vendasit thonë se toka fillimisht ishte e destinuar për përdorim industrial, por Këshilli i Rhondda Cynon Taff vendosi të vendoste bllokun e banimit tre-katësh atje. Për t’i bërë gjërat edhe më keq, nuk ka vendkalim për këmbësorët që banorët të hyjnë në fshat apo makinat e tyre të cilat duhet t’i parkojnë pak larg.