Aksident ajror në Nepal, rrëzohet një avion me 72 persona në bord. Lajmin e bën të ditur kompania Yeti Airlines, një zëdhënës i së cilës u shpreh:

Po zhvillohen operacione kërkim-shpëtimi. Për momentin nuk e dimë nëse ka të mbijetuar.

Avioni i llojit ATR-72 që në fluturim u ngrit nga kryeqyteti nepalez Katmandu, u rrëzua gjatë uljes në aeroportin Pokhara në distriktin Kaski.

Për momentin flitet për 40 të vdekur, por bilanci ende është provizor dhe përditësohet vazhdimisht. Shkaqet e aksidentit ajror tragjik ende nuk dihen.

Avioni i kompanisë Yeti Airlines u rrëzua në një zonë të banuar midis pjesës ku ndodhej aeroporti i vjetër i Pokharës dhe atij të ri ndërkombëtar të qytetit, i përuruar pak kohë më parë.

Imazhet nga vendi i aksidentit të publikuara nga faqja Nepal Live Today tregojnë disa shtëpi në sfond. Pas përplasjes në tokë, pranë lumit Seri, avioni mori flakë dhe të tjera foto e video të publikuara nga mediat aziatike tregojnë re të dendura tymi që dilnin nga pjesët e avionit që digjej.

Nepal #planecrash: #Yeti Airlines plane with 68 people on board crashed at #Pokhara Airport

– Plane took off from Kathmandu on Sunday norning and crashedwhile landing.

-Security personnel and ambulance have been mobilized for rescue. pic.twitter.com/y4G9sgXxvP

— Subodh Kumar (@kumarsubodh_) January 15, 2023