Martesa e Angelina Jolie me Brad Pitt ishte një nga historitë më të bukura dhe që bëri më shumë bujë në Hollywood, por fundi i saj nuk ishte aspak kështu sepse tani dyshja po përballen me shumë probleme me divorcin dhe ndarjen e pasurisë, siç “mollë sherri” është bërë edhe kantina e madhe e verës.

Një tjetër akuzë mjaft e rëndë që u zbulua paksa për lidhjen e tyre, ishte ajo e zënkës në avion gjatë një fluturimi në vitin 2016. Përderisa detajet e këtij incidenti kanë qenë thjeshtë skicë deri në këtë pikë, FBI më në fund ka lëshuar dosjen prej 164 faqesh për Angelina Jolie, e cila detajon hetimin e tyre për “luftën” që ndodhi në atë avion.

Radar Online raportoi të premten në mëngjes se FBI më në fund i ka dorëzuar aktorit një sërë dokumentesh, ndërsa procesi i shqyrtimit të tyre tashmë ka përfunduar. Jolie ka qenë e përfshirë në një betejë ligjore me FBI-në për trajtimin e këtij rasti, madje ajo ngriti një padi që akuzoi agjencinë se refuzoi të dorëzonte të gjitha të dhënat që lidhen me të.

Pitt u akuzua se kishte sulmuar fizikisht Jolie në një udhëtim nga Franca në Los Anxhelos dhe Jolie ishte e pakënaqur me cilësinë e hetimit të FBI-së për atë që ndodhi në aeroplan. Ajo që ishte më alarmante në raportet fillestare nga avioni erdhi me sugjerimin e Jolie se aktori kishte sulmuar fëmijët e tyre. Avokati i Jolie u shpreh:

Pitt e mbyti njërin nga fëmijët dhe e goditi një tjetër në fytyrë, gjithashtu e kapi Jolie nga koka dhe e tundi atë. 

U njoftua gjithashtu se e gjithë kjo skenë ka ndodhur gjatë kohës kur avioni ishte në pistë dhe po ulej. Asnjë akuzë penale nuk u ngrit kundër Pitt, gjë që e befasoi plotësisht Jolie dhe e detyroi atë të paraqiste një Kërkesë për Lirinë e Informacionit, duke shpresuar të zbulonte se pse FBI kishte arritur në këtë përfundim. Avokati vazhdoi duke thënë se:

Mohimi i vazhdueshëm i atij informacioni për Jolie ka penguar dhe vazhdon të pengojë përpjekjet e saj për të marrë për fëmijët e saj kujdesin e nevojshëm të vazhdueshëm dhe kujdesin mjekësor.