Faktkeqësisht ka ndërruar jetë në moshën 90-vjeçare dy herë fituesi i “Oscar”, Bo Goldman. Shkaku i vdekjes së aktorit, i cili mori vlerësime të shumta për skenarët e tij të “One Flew Over the Cuckoo’s Nest” (1975) dhe “Melvin and Howard” (1980), ende nuk dihet. Pasi shkroi episode për shfaqje të ndryshme televizive, i ndjeri shënoi famën e tij të madhe kur u zgjodh nga Milos Forman për të përshtatur romanin e Ken Kesey “One Flew Over the Cuckoo’s Nest”, së bashku me bashkë-shkrimtarin Lawrence Hauben.

Në vitin 1976, ai dhe Hauben morën të dy çmimin “Oscar” për skenarin më të mirë të adaptuar për punën e tyre në skenarin e filmit dramatik psikologjik. Më pak se katër vjet pas “Oscar” të parë të tij, ylli fitoi të dytin për shkrimin e dramës “Scent of a Woman” të vitit 1992, me protagonist Al Pacino dhe me regji të Martin Brest.

Ai dhe Brest u bashkuan dy herë të tjera për të krijuar filmat “Scent of a Woman” (1992) dhe “Meet Joe Black” (1998). Arritjet e tij të tjera të shquara përfshijnë The Flamingo Kid (1984), Little Nikita (1988) dhe City Hall (1996). Goldman ka lënë pas djalin Justin Ashforth dhe katër vajza, Mia Goldman, Amy Goldman, Diana Rathbun dhe Serena Rathbun, si dhe shtatë nipër e mbesa dhe tre stërnipër. Ai ishte i martuar për 63 vjet me Mab Ashforth, e cila vdiq në vitin 2017.