Pothuajse gjithçka që i ndodh Enrique Iglesias është në lajme. Qoftë një këngë që ai ka publikuar, diçka që ka të bëjë me jetën e tij apo edhe dashurinë. Mirëpo, lajmet e fundit për këngëtarin kanë qenë për diçka tjetër dhe, për fat të keq, kanë të bëjnë me shëndetin e tij. Këngëtari spanjoll është larguar nga skena dhe nga performanca para miliona fansave të tij për shkak të një problemi shëndetësor. Askush nuk e dinte se çfarë kishte, por tani, më në fund, problemi i tij është bërë publik.

Enrique Iglesias aktualisht është duke u përgatitur për ‘The Trilogy Tour’, një seri koncertesh që do ta çojnë atë në shumë vende të botës së bashku me Ricky Martin dhe reperin Pitbull dhe ky turne do të fillojë në tetor të këtij viti. Megjithatë, djali i këngëtarit Julio Iglesias nuk ka qenë në formë të mirë dhe ka vendosur të bëjë një pushim për t’u rikthyer me më shumë forcë.

Problemi shëndetësor i Enrique Iglesias është një anomali që përkon pikërisht me lajmin e disa ditëve më parë që ka bërë bujë ndërkombëtarisht, ku një burrë u trajtua me sukses për një operacion ku iu transplantua një mushkëri, por organet në kraharor dhe në bark ndodhet në anën e kundërt. Kjo gjendje quhet ‘situs inversus’ dhe vuan edhe nga Enrique Iglesias. Kjo është një anomali gjenetike ku organet e gjoksit janë në anën e pasme, sikur të shiheshin para një pasqyre.

Gjendja prek një person në çdo 20,000 njerëz në botë dhe është gjenetike në natyrë. Situs inversus zakonisht shoqërohet me keqformime të tjera, si polisplenia ose sindroma Kartagener, ndër të tjera.