Aktorja e njohur Halle Berry dhe bashkëshorti i saj i tretë, Olivier Martinez, kanë finalizuar divorcin e tyre pas gati 8 vitesh beteje rraskapitëse në gjykatë. Berry dhe aktori francez vendosën të divorcohen në tetor 2015 pas dy vitesh martesë, por procedurat thuhet se u ndërprenë një vit më vonë, sepse ata nuk ishin në gjendje të zgjidhnin çështjet e kujdestarisë.

Dokumentet e gjykatës të depozituara në Gjykatën e Lartë të Los Angeles detajojnë kushtet e marrëveshjes së tyre, e cila urdhëron Berry të mbledhë një shumë të madhe parash për shpenzimet e fëmijës së tyre të vetëm. Ylli i “Catwoman” duhet t’i paguajë Martinezit 8,000 dollarë në muaj si mbështetje për djalin e tyre 9-vjeçar, Maceo. Që nga prilli i këtij viti, ajo u urdhërua gjithashtu t’i paguante atij 4.3% të çdo të ardhure që merr mbi 2 milionë dollarë.

Sipas dokumenteve të gjykatës, Berry duhet të paguajë edhe për shkollimin privat, uniformat shkollore dhe mjetet shkollore të djalit të saj, por pagesat do të shkojnë drejtpërdrejt në shkollë dhe jo te ish-i i saj. Ylli i “Monster’s Ball” pranoi gjithashtu të paguante 100% të të gjitha aktiviteteve jashtëshkollore të Maceo-s.