Victoria dhe David Beckham vazhdojnë të shijojnë pushimet verore së bashku me dy fëmijët e tyre më të vegjël, Harper Seven dhe Cruz. Ka qenë stilistja, e cila përmes llogarisë personale në Instagram, ka ndarë disa foto verore nga pushimet familjare në Kroaci.

Ndër imazhet që ajo ka postuar duke shfaqur familjarët e saj në momente të ndryshme gjatë festave, është edhe një foto e saj dhe e bashkëshortit në momente dashurie. Në një nga fotot, stilistja, 49 vjeçe, dhe bashkëshorti i saj, 48 vjeç, janë të pasuar nga një muzg i mrekullueshëm teksa ndajnë një puthje dhe pozojnë së bashku për kamerën.

“Koha e familjes është gjithçka 🥰,” shkroi ajo në postim. “Fundjavë të lumtur, puthje nga të gjithë ne xxxx Ju dua @davidbeckham @cruzbeckham #HarperSeven.”

 

View this post on Instagram

 

A post shared by Victoria Beckham (@victoriabeckham)

Ish- anëtarja e Spice Girl ndau gjithashtu disa foto nga një ditë familjare në det, duke përfshirë një foto të 12-vjeçares Harper duke buzëqeshur në një varkë me një flamur kroat të valëvitur sipër saj dhe një tjetër të Davidit duke i dhënë vajzës së tij një përqafim të madh.

Në një foto tjetër, Victoria dhe Harper pozuan së bashku. Sigurisht, në albumin e fotografive nuk mund të mungonte 18-vjeçari Cruz, i cili me shaka e shtyn dikë në ujë, ndërsa babi David e shikon me buzëqeshje.