Enca Haxhia ka qenë kryefjalë e mediave në vendin tonë pasi u arrestua javën e kaluar për kultivim kanabisi në shtëpinë e saj.

Policia e Tiranës finalizoi operacionin “Balcony”, duke gjetur 5 vazo me kanabis në banesën e saj në Lundër.

Pas arrestimit, këngëtarja ka thënë në polici që është përdoruese dhe e ka për përdorim vetjak. Bashkë me të u arrestua dhe i dashuri i saj.

Ndërkohë, para disa ditësh Gjykata e Tiranës e ka liruar nga paraburgimi, duke i caktuar masën “detyrim paraqitje”.

Pas lirimit, ajo bëri reagimin e saj të parë në rrjetet sociale ditën e djeshme.

Këngëtarja ka falënderuar të gjithë për mbështetjet që i kanë dhënë në ditët e saj të vështira. Më pas ka postuar dhe një story me një zemër. Ajo nuk ka lënë pa komentuar në mënyrë ironike edhe emrin e operacionit, ‘Balcony’ (Ballkoni)